გურიის რეგიონში აგროსამრეწველო კომპლექსის ჩამოყალიბება _ განვითარება შესაძლებელია და აუცილებელიც

კარმიდამო ჩემი

გურიის რეგიონში აგროსამრეწველო კომპლექსის ჩამოყალიბება _ განვითარება შესაძლებელია და აუცილებელიც

2019 აგვ 8 13:15:30

გურიაში, კერძოდ, ოზურგეთის მუნიციპალიტეტის სოფელ ნატანებში, ციტრუსების ყოფილ ექსპერიმენტულ მეურნეობაში, რომელიც დღემდე სახელმწიფო საკუთრებაშია შენარჩუნებული, შესაძლებელია, მძლავრი აგროსამრეწველო კომპლექსის ჩამოყალიბება. მას განვითარების საფუძვლიანი პერსპექტივა გააჩნია და ამავე დროს, აუცილებელია ჩვენი, კონკრეტულად კი გურიის ეკონომიკის საგრძნობლად გაძლიერებისთვის.

ამჟამად, აქ, ყოფილ ექსპერიმენტულ მეურნეობაში შენარჩუნებულია 320 ჰა მიწის ფართობი. მასზე შემორჩენილი ციტრუსების პლანტაციები იძლევა მცირე მოსავალს, რადგან მცენარეები ბიოლოგიურად ხანდაზმულია და ამოძირკვას ექვემდებარება.

აქ სულ 20-25 ჰა ფართობია ისეთი, რომელზეც ციტრუსოვანთა პლანტაციებია, ხოლო დანარჩენი ტერიტორია გატყიურებულია და დაფარულია ეკალ-ბარდით. ამიტომ პირველ რიგში, ის უნდა გაიწმინდოს და ჩატარდეს აგროტექნოლოგიური სამუშაოები.

ყოველივე ამის შემდეგ, შესაძლებელი იქნება გაშენდეს საადრეო, მაღალმოსავლიანი ციტრუსები, ასევე, კივი, თხილი, მოცვი, ტყემალი და სხვა კულტურები, რომელთა პროდუქციაზე დიდი მოთხოვნაა, როგორც შიდა, ისე უცხოურ ბაზარზე. აქვე შევნიშნავ, რომ აღნიშნულ ტერიტორიაზე იკრიფებოდა და რეალიზაცია უკეთდებოდა 4 000 ათას ტონამდე ციტრუსოვანთა ნაყოფს. სწორედ ამიტომ არის რეალური აქ მძლავრი აგროსამრეწველო კომპლექსის ჩამოყალიბება, თუმცა, ეს შესაძლებელი იქნება ძირითადად ინვესტიციების მოზიდვით და ჩადებით.

თხილის და კივის წარმოება მარკეტინგული თვალსაზრისით, ითვლება მომგებიან ბიზნესად. შედარებით ახალი კულტურები _ კივი და მოცვი, თხილთან ერთად, წარმოადგენს საექსპორტო პროდუქტს. მათი ნაყოფი, გემოთი, ფერით, არომატით და სხვა ხარისხობრივი მაჩვენებლებით გამორჩეულია, საბაზრო მოთხოვნილება სტაბილურია, ხარისხი დაცულია სერთიფიკატით. ამიტომ მათი რეალიზაციის შემდეგ წარმოებას საშუალება მიეცემა, მიიღოს სოლიდური მოგება.

რა რაოდენობის ესა თუ ის კულტურა რა სიდიდის ფართობზე განლაგდება და რა მოგებას მოიტანს თითოეული?

პირველ რიგში ყველაფერი უნდა გაკეთდეს ისე, როგორც აგროტექნოლოგიური რუკით იქნება გათვალისწინებული.

საადრეო ნაგალა ჯიშის ციტრუსოვნები ერთ ჰა-ზე 1 000-1 500 ძირი უნდა დაირგოს. პლანტაცია პირველ მოსავალს იძლევა მესამე წელს _ სამიდან შვიდ ტონამდე, ხოლო სრულმოსავლიანობაში შესვლისას ჰექტარზე 25-30 ტონას მიაღწევს, რომელიც მის წარმოებაზე გაწეულ ხარჯებს აანაზღაურებს და პლუს, დიდ მოგებასაც მოიტანს. (ჩვენი გათვლით, პირველ ათწლეულში, დღეს არსებული ფასებით, ხარჯი იქნება 13 095 დოლარი, რეალიზებული პროდუქციის ღირებულება _ 30 500 დოლარი, საერთო მოგება კი _ 17 405 დოლარი).

კივის პლანტაციის 1 ჰა ფართობის გაშენებისთვის საჭიროა 500 ძირი ნერგი. ის პირველ მოსავალს მეხუთე წელს იძლევა და ერთ ჰექტარზე, მიახლოებით, სამიდან შვიდ ტონამდე უნდა მოიკრიფოს. ეს გაწეულ ხარჯებს ფარავს და ამ დროისთვის გარკვეულ მოგებასაც იძლევა (ჩვენი გათვლით, პირველ ათ წელიწადში, დარგვიდან, არსებული ფასების მიხედვით, ხარჯი შეადგენს 6 687 დოლარს. ღირებულება რეალიზაციის შემდეგ შეადგენს 28 000 დოლარს, მოგება დარჩება 21 313 დოლარი).

მკითხველის ყურადღებას მივაპყრობ ერთ გარემოებაზე _ ბოლო წლებში, საქართველოში მკვეთრად იკლო ნატურალური წვენების წარმოებამ, ხოლო ის მინიმალური პროდუქცია, რად დრო და დრო ჩნდება სამომხმარებლო ბაზარზე, გამოირჩევა დაბალი სამომხმარებლო ხარისხით. დღის წესრიგში წინა პლანზე დგება კონკრეტული ამოცანა _ ნატურალური წვენების წარმოება მოწინავე ტექნიკის და პროფესიული თანამედროვე ტექნოლოგიის ბაზაზე.

ნატანების მეციტრუსეობის ექსპერიმენტულ საწარმოში დასაქმებულმა მეცნიერებმა, ბოლო წლებში, საწარმოო პირობებში აპრობაცია გაუკეთეს ნატურალური წვენების წარმოებას სუბტროპიკული კულტურების ნაყოფისგან, მათ შორის, კივისგან. ნატურალური წვენების წარმოების ახალ ტექნოლოგიებს სახელმწიფო ჩამორჩება მისი ჩამოსხმის და დაფასოების ტექნიკურ-ტექნოლოგიური დონით. დღესდღეობით ამ პრობლემის მოგვარება შეუძლებელია მანქანა-დანადგარების და უცხოური წარმოების მოწყობილობების გარეშე და მიზნობრივ ინვესტიციებს მოითხოვს.

გურიის რეგიონში, ნატანებში, წვერმაღალას ციტრუსოვანთა ყოფილ მეურნეობაში, სადაც შესაძლებელია აღნიშნული კომპლექსის ჩამოყალიბება, კარგად არის განვითარებული სუბტროპიკული და ტექნიკური კულტურების მოყვანა და საწარმო დანიშნულების პოტენციალი. ის შეადგენს 5 000 ტონა ნედლეულს და შესაძლებელია, გადამუშავდეს ნატურალურ წვენად.

ციტრუსების ნაყოფისგან დამზადებული პროდუქცია ხასიათდება დიდი სამომხმარებლო თვისებებით და, ფაქტობრივად, რეალური კონკურენტები არ ჰყავს.

წვენების მომხმარებლები საქართველოში იქნებიან სახელმწიფო და კომერციული სავაჭრო სტრუქტურების, საბითუმო და საცალო ვაჭრობის ქსელები, ასევე, დიდ ბაზარს წარმოადგენს ბალტიისპირეთის ქვეყნები, შუა აზიის რეგიონი, აღმოსავლეთ და დასავლეთ ევროპის ქვეყნები.

საშუალოდ ერთი ლიტრი ნატურალური წვენის თვითღირებულება შეადგენს 1,23 აშშ დოლარს. თვითღირებულების ეს ნიშნული საშუალო მაჩვენებლიდან გამომდინარეა და ასახავს დანახარჯებს პროდუქციის წარმოებაზე, ციტრუსოვანთა ნაყოფიდან ნატურალური წვენების დამზადების დროს.

ჩვენი გათვლით, ნატურალური წვენების საწარმოს მიერ 2 000 ტონა ნაყოფის (ერთ სეზონზე) გადამუშავების შემდეგ, პირველ წელს, სანამ ათვისებული იქნება ოპტიმალური ბაზარი, შესაძლებელია მივიღოთ 7 000-8 000 ლიტრი ციტრუსის წვენი.

მსოფლიო ბაზარზე, არსებული ფასების გათვალისწინებით მოგება 0,9-1,2 მილიონ დოლარს მიაღწევს, ხოლო მომდევნო წლებში, როცა ათვისებული იქნება კივის გადამამუშავებელი ტექნოლოგიური ხაზი და საწარმოო გააფართოებს თავის პროფილს (კურკოვანი ხილი, ტყემალი, ატამი, ბალი) გადამუშავებით და კონსერვაციით, უკვე მოგების გაორმაგების შესაძლებლობაც გაჩნდება და ეკონომიკური ეფექტიანობა წელიწადში, მინიმუმ, 2 მლნ დოლარამდე გაიზრდება.

ყოველივე ამის გაკეთება სწორედ ნატანების ციტრუსების ექსპერიმენტული საწარმოს (წვერმაღალას ბაზაზე) შესაბამისი ინვესტიციების მოზიდვის შემდეგ გახდება შესაძლებელი. მძლავრი აგროსამრეწველო კომპლექსის ჩამოყალიბებას, რომლის შესანიშნავი ბაზა აქ არსებობს, ხელს უწყობს ზღვასთან სიახლოვე, ზღვის დონიდან 150 მ სიმაღლე, სადაც ზღვისა და ბახმაროს მთის ჰაერის შერწყმა ხდება. იქვე არსებობს უნიკალურ მცენარეთა ჯიშები. ყოველივე ეს კი განსაკუთრებულ მიკროკლიმატურ ზონას ქმნის. აქვე სანატორიუმ-პროფილაქტორიუმის მოწყობაც შეიძლება, რომელიც კომუნისტურ ეპოქაში უმაღლეს დონეზე ასრულებდა თავის ფუნქციას და აქტუალობა არც დღეს დაუკარგავს.

წვერმაღალას მეურნეობა, სადაც შემაღლებული ადგილი ზღვის დონიდან 160 მ სიმაღლეზეა და ზღვასთან ახლოს მდებარეობს, ასევე, შესაძლებელია ზღვასთან დამაკავშირებელი საბაგირო ხაზი გაკეთდეს, რაც ტურისტთა მოზიდვას გაზრდის და შესაბამისად შემოსავლის წყაროს გაზრდის გურიის ეკონომიკისთვის.

ჯერი სახელმწიფოზეა, ხელისუფლების ნებაზე, რომელსაც ინვესტიციების მოზიდვით შეუძლია თავისივე საკუთრებაში არსებული და დიდი ძალისხმევით შენარჩუნებული ამ უნიკალური გარემოს გურიის სამსახურში ჩასაყენებლად.

ვახტანგ სურგულაძე,
სოფლის მეურნეობის
მეცნიერებათა აკადემიური დოქტორი




 ახალი ამბები
  • მერი შავაძე: "როდესაც შვილის სიცოცხლეს ეხება საქმე, იქ უკვე სხვა დედა, სხვა ადამიანი ხდები"“რეპრესირებული ოჯახის შვილი ვარ, მაგრამ არასდროს დავცემულვართ სულიერად. ძალიან მშრომელი მშობლებში ოჯახში გავიზარდე და მეც მათგან ვისწავლე დაუღალავი შრომა“, _ გვიყვება თავის შესახებ ოზურგეთის მუნიციპალიტეტის სოფელ უკანავას (მთისპირი) მცხოვრები მერი შავაძე. მერი შავაძე მეუღლესთან, ჯემალთან და შვილთან _ თამუნასთან ერთად სოფლის ბოლოს, მთის ძირას ცხოვრობს. ქალაქიდან მოშორებით, შეიძლება ითქვას, სხვა სამყაროში. ჯემალს და მერის კიდევ ჰყავს ერთი შვილი, რამაზი, რომელიც ოჯახთან ერთად ბათუმში ცხოვრობს. დღეს მხოლოდ ქალბატონი მერის შესახებ მოგითხრობთ. ვთვლი, რომ ის ჩვენი დროის გმირია და თუ რატომ ვფიქრობ ასე, ამას წერილიდან შეიტყობთ. მერის ამბები სპონტანურად ჩავწერეთ. ხან _ ბოსტანში, ხან _ სამზარეულოში და ხან კიდევ ეზოში მოგვიწია მასთან გასაუბრება. ბავშვობა “ჩოხატაურის მუნიციპალიტეტის სოფელ ზოტში ვცხოვრობდით. ვიდრე ცოცხალი იყო ბებიაჩემი და ბაბუაჩემი გადასახადს იხდიდნენ, რადგან რეპრესირებული ოჯახის წევრები ვიყავით. ბაბუაჩემი 1941 წელს წაიყვანეს  ომში, ბებიაჩემი მარტო დარჩა ორ შვილთან ერთად. ჩვენს ოჯახს შუა აზიაში უპირებდნენ გადასახლებას, მაგრამ ბებიაჩემა იმდენი მოახერხა, დატოვეს. მამაცი ქალი იყო, წერა-კითხვა არ იცოდა. შვილებთან ერთად მუშაობდა ყოველდღე. მისი ნამუშევარის დიდ ნაწილს ხარკის სახით სახელმწიფოს უხდიდა. წლების შემდეგ გაირკვა, რომ ბაბუაჩემს ცოლად გერმანელი ქალი შეურთავს. ბაბუაჩემმა მითხრა, ომში სიცოცხლე გერმანელმა ქალებმა შეგვინარჩუნესო. გერმანიაში ორი შვილი შეეძინათ, შემდეგ ბაბუაჩემი შვილებთან ერთად ჩამოვიდა ზოტში. ბავშვები ბებიაჩემმა და მამიდაჩემმა გაზარდეს. რაც შეეხება ჩემს ბავშვობას, არანაირი გასართობი არ იყო ბავშვებისთვის... მახსოვს კვირაში ერთხელ კინო იყო სოფელში. ბავშვობიდან ვიყავი ბოსტანში, ყანაში, ვუვლიდი შინაურ ცხოველებს და ფრინველებს“. პირველი სიყვარული და ოჯახი... „მამაჩემის ბიძაშვილმა ცოლი მოიყვანა უკანავიდან. როდესაც სოფელში მოიყვანეს პატარძალი, იქ დავინახე ჯემალი და დაიწყო ჩვენი სიყვარულის ამბავი. წელიწადში ერთხელ ვნახულობდით ერთმანეთს. გაცნობიდან სამ წელში გავთხოვდი. მეათე კლასში ვიყავი, საგამოცდო ბილეთები მქონდა ხელში, როდესაც დავინიშნე ჯემალზე. პედაგოგიურზე ვაპირებდი ჩაბარებას, მაგრამ ოჯახის შექმნა გადავწყვიტე. შეგვეძინა ორი შვილი _ რამაზი და თამუნა". მერი შავაძე 2006 წელს „გურია ნიუსის“ რედაქციაში მოვიდა და თავისი მთავარი გასაჭირის გასაცნობად სახლში მიგვიწვია. „ყველაზე მძიმე პერიოდი გამოვიარეთ, ვიდრე თამუნა ეტლით მოსარგებლე გახდებოდა, ათასი პრობლემა იყო სოფელში და ეს ჩვენს ოჯახსაც შეეხო. 90-იანი წლები ყველას ახსოვს. მე და ჩემმა მეუღლემ სოფლის მეურნეობას მივყევით ხელი _ წელიწადში მარტო ათას ძირ ლობიოს ვუვლიდი, სიმინდის ყანა გვქონდა, შინაური ცხოველები. როდესაც ოჯახი შევქმენით უკანავაში დავსახლდით. ტყის პირას ქოხში ვცხოვრობდით. წლების შემდეგ პატარა სახლი ავაშენეთ. შემდეგ მოხდა უბედური შემთხვევა _ თამუნას ოთხივე კიდური პარალიზებული ჰქონდა (მოჭრილი ხის დაცემის შედეგად). მოტეხილი ჰქონდა კისერი, კერძოდ, მეხუთე და მეექვსე მალა. ქუთაისში ჩატარებული ოპერაციის შედეგად გადარჩა. ამის შესახებ ყველამ კარგად იცის. ახლაც სჭირდება დახმარება და რეაბილიტაციისთვის თურქეთში წასვლა, მაგრამ ამის საშუალება არ გვაქვს. წამებში შეიცვალა ჩემი ცხოვრება. ერთი თვე დამჭირდა გამეაზრებინა თამუნას ამბავი და შემდეგ შევუდექი აქტიურობას. 2006 წლიდან დღემდე ყველას შეძლებისდაგვარად ვაწუხებდი და ვაწუხებ. როდესაც შვილის სიცოცხლეს ეხება საქმე, იქ უკვე სხვა დედა, სხვა ადამიანი ხდები და ეს გრძნობა ენით აღუწერელი არის. იყო დრო, როდესაც ხელისუფლების წარმომადგენელს ვხვდებოდი, ფეხსაცმელიც არ მქონდა მთელი, შიგნით ცელოფანი მქონდა ჩაფენილი და ისე მივდიოდი სოფლიდან ქალაქში. რამდენჯერ ცხვირწინ მოუხურავთ ჩემთვის კარი, ამის გამო მიტირია, მაგრამ ეს ამბავი სახლში არ მითქვამს. ბევრჯერ დაგვხმარებია ხელისუფლება, პოლიტიკოსები, საზოგადოების წევრები. კეთილი ადამიანები არსებობენ და ამით გადავრჩით. ხშირად მქონია უიმედობის შეგრძნება, მაგრამ ისევ კეთილი ადამიანებს გამოვუყვანივარ მდგომარეობიდან". “როგორია ქალის ცხოვრება სოფლად?“ „იშვიათად მცალია მეზობელთან გადავიდე და ყავა დავლიო. დილა იწყება ჩემთვის 6 საათზე და არც ვიცი, როდის ვიძინებ. დილით ყავას დავლევ და შემდეგ, როდის ვჭამ საჭმელს, არ ვიცი. ბოსტანი მაქვს, ვუვლი ყვავილებს, ზაფხულიდან დღემდე ზამთრისთვის შესანახებს ვინახავ. მეტი, რა უნდა გავაკეთო, ერთმა ქალმა. ასეთია სოფლად მცხოვრების ქალის ბედი. მთავარია, ჯანმრთელობა და სხვას მე არაფერს ვნატრობ“. რაზე ოცნებობს მერი შავაძე? “თამუნიას ჯანმრთელობაზე ვოცნებობ, რომ ეტლით აღარ დადიოდეს. ჩემი ოცნება ეს არის. მინდა წავიყვანო თურქეთში და ჯანმრთელად მყავდეს ჩემი გოგო. მეტს არაფერს ვთხოვ ღმერთს, ყველაფრისთვის მადლობელი ვარ“. 15 ოქტომბერი სოფლად მცხოვრები ქალების საერთაშორისო დღეა! საქართველოში დასაქმებული ქალების 36% სოფლის მეურნეობითაა დაკავებული. გაეროს ქალთა ორგანიზაციის ინფორმაციით, მათი უმრავლესობა მცირე საოჯახო მეურნეობებში მუშაობს. მცირე მეურნეობების მხარდაჭერა სოფლად ქალების გაძლიერებას ... ...
  • საქართველოს ბანკის პარტნიორობით „უძრავი ქონებისა და სასტუმრო ბიზნესის საერთაშორისო ყოველწლიური ფორუმი“ იმართება (R)საქართველოს ბანკის პარტნიორობით, Property Georgia-ს, FIABCI Georgia-ს ინიციატივითა და ორგანიზებით 15-16 ოქტომბერს „უძრავი ქონებისა და სასტუმრო ბიზნესის საერთაშორისო ყოველწლიური ფორუმი „მდგრადი და მედეგი ქალაქების მშენებლობა“ იმართება. ფორუმის მიზანია, საქართველოს მსოფლიო რუკაზე პოზიციონირება მოხდეს, როგორც უძრავი ქონებისა და ტურიზმის, სასტუმრო ბიზნესის საერთაშორისო ლოკაცია. ფორუმზე განიხილება  ისეთი საკითხები, როგორიცაა: მდგრადი ქალაქების შექმნის ეკონომიკური შედეგები; ქალაქებში მდგრადი ურბანული ინფრასტრუქტურისა და ტურიზმის  განვითარება. ფორუმს 300-ზე მეტი დელეგატი და მსოფლიოს სხვადასხვა ქვეყნიდან მოწვეული 50-ზე მეტი ინვესტორი ესტუმრა, რომლებიც, თბილისთან ერთად, საქართველოს რამდენიმე რეგიონს მოინახულებენ. სტუმრობის მიზანია, ინვესტორები გაეცნონ უძრავი ქონებისა და ტურიზმის საუკეთესო შეთავაზებებს მთელი ქვეყნის მასშტაბით. ღონისძიებას საერთაშორისო მედიაპარტნიორობას გაუწევს Dow Jones/Mansion Global/FN. ფორუმს გააშუქებს წამყვანი და  გავლენიანი საერთაშორისო მედიასაშუალებები: BBC, CNN, Bloomberg. „მოხარული ვართ, ვიყოთ ასეთი საერთაშორისო და მასშტაბური ფორუმის გენერალური პარტნიორები, რომლის მიზანიცაა, ხელი შეუწყოს  საქართველოს მსოფლიო რუკაზე პოზიციონირებას, როგორც უძრავი ქონებისა და ტურიზმის, სასტუმრო ბიზნესის საერთაშორისო ლოკაციას. ამის დიდი პოტენციალი ნამდვილად აქვს ჩვენს ქვეყანას. საინტერესოა, რომ ფორუმის ფარგლებში  50-ზე მეტ ინვესტორს ექნება შესაძლებლობა, გაეცნონ ქართული უძრავი ქონების ბაზარს  და ტურიზმს.  ვფიქრობ, ეს არის ძალიან კარგი შესაძლებლობა, როგორც მათთვის, ისე ჩვენთვის, ქვეყნისთვის, რაც მნიშვნელოვნად გაზრდის საქართველოს ცნობადობას. ფორუმის მიმართ არის ძალიან დიდი ინტერესი, რაც  სასიხარულოა. მსგავსი ღონისძიებები  მნიშვნელოვანია, რათა რაც შეიძლება მეტ ადამიანს, მთელი მსოფლიოს მასშტაბით და  მეტ ინვესტორს,  არსებულსა თუ პოტენციურს, გავაცნოთ ის რეალური შესაძლებლობები, რაც ჩვენს ქვეყანას აქვს“, - განაცხადა საქართველოს ბანკის გენერალური დირექტორის მოადგილემ, გიორგი ფაილოძემ. ... ...
  • ოზურგეთში საყოველთა ჯვრისწერა გაიმართაქალაქ ოზურგეთში, ღმრთისმშომბლის მიძინების საკათედრო ტაძარში საყოველთაო ჯვრისწერა გაიმართა. ეს ღონისძიება საქართველოს კათოლიკოს-პატრიარქის კურთხევითა და საქართველოს ჩოხოსანთა ორგანიზაციის ორგანიზებით შედგა. ოზურგეთში საყოველთა ჯვრისწერა ჩოხოსანთა ორგანიზაციის წევრების თემურ სირაძისა და თამარ გიორგაძის ხელმძღვანელობით გაიმართა. ამჯერად, ჯვარი დაიწერეს წყვილებმა: ბადრი კვირკველიამ და ნანა სიხარულიძემ; გერონტი გიორგაძემ და სოფიო ტარიელაძემ; ჯემალ და ლენა შუკაკიძეებმა;  ავთანდილ ცეცხლაძემ და ნანული სურგულაძემ; გიორგი  და  მედეა მაღლაკელიძეებმა. მოქალაქეებს ჯვარი დეკანოზმა ერმოლაუსმა დაწერა. ორგანიზატორის თამუნა გიორგაძის თქმით, საყოველთა ჯვრისწრა მომავალშიც ... ...
  • "ჯადოსნური ახალი წელი აბუ დაბიში" _ ლიბერთის და VISA-ს ერთობლივი კამპანია მხოლოდ Apple Pay-ს მომხმარებლისთვის...15 ოქტომბრის 00:00:01 საათიდან 24 ნოემბრის 23:59:59 საათის ჩათვლით Apple Pay-ს საშუალებით Visa ბარათით განხორციელებული ტრანზაქციები ლიბერთის მომხმარებლისთვის მომგებიანია!  კამპანიის ფარგლებში კამპანიის პირობებით განსაზღვრული ყველა Visa ბარათის მფლობელი,  რომელიც კამპანიის პერიოდში გადაიხდის მინიმუმ 10 ლარს Apple Pay-ს საშუალებით მიიღებს ქეშბექს 10 ლარის ოდენობით პირველ გადახდაზე.   კამპანიის დასრულების შემდეგ გამოვლინდება გამარჯვებული, რომელიც მიიღებს სამოგზაურო პაკეტს აბუ დაბიში ახალი წლის ღამეს ბრუნო მარსის კონცერტზე დასასწრებად! კამპანიის გამარჯვებულს გამოავლენს ლიბერთი ბანკი მის ხელთ არსებული მონაცემების საფუძველზე და გამარჯვებულად ჩაითვლება კამპანიაში მონაწილე პირი, რომელსაც 15 ოქტომბრის 00:00:01 საათიდან 24 ნოემბრის 23:59:59 საათის ჩათვლით დაუფიქსირდება ბანკის Visa ბარათით განხორციელებული ყველაზე მეტი ტრანზაქცია Apple Pay-ს საშუალებით (თითო ტრანზაქცია - მინიმუმ 10 ლარი). სამოგზაურო პაკეტი მოიცავს:   5 დღიან საგზურს აბუ დაბიში, 5 ან მეტ ვარსკვლავიან სასტუმროში 2 ადამიანზე; ავიაბილეთებს; საახალწლო ვახშამს; 2 VIP ბილეთს ბრუნო მარსის კონცერტზე, 31 დეკემბერს  იხილეთ დეტალური წესები და პირობები ბმულზე: http://bit.ly/2OJOkCF  ლიბერთის მომხმარებლები, Apple Pay-ს მარტივი, უსაფრთხო და კონფიდენციალური გადახდის სისტემით მთელი ქვეყნის მასშტაბით, ლიბერთი ბანკის პარტნიორ ორგანიზაციებში 3 სექტემბრიდან უკვე სარგებლობენ. აქციის ფარგლებში ქეშბექის და სამოგზაურო პაკეტის მოგების შანსის მიღება3500-ზე მეტ უკონტაქტო ტერმინალზე გადახდისას არის შესაძლებელი. Apple Pay-ს გამოყენება და მასში ბარათების დამატება მარტივია. მაღაზიებში, Apple Pay-ს გამოყენება შესაძლებელია iPhone SE, iPhone 6 და მის შემდეგ გამოშვებული მოდელების, ასევე Apple Watch მოწყობილობების გამოყენებით.  გაიგე როგორ დაამატო ბარათი Apple ... ...
  • „დეპრესიას უმადურობა იწვევს“ - ფსიქოლოგი მარინა კაჭარავა„აზროვნების აკადემია“,  პროექტ  „სალონური საუბრების” ფარგლებში, სოციალურ ქსელში ამჯერად ფსიქოლოგ მარინა კაჭარავას ლექციას აქვეყნებს, რომელიც დერპესიულ აშლილობას ეხება: “ფსიქიატრების აზრი ძალიან უახლოვდება რელიგიურ მოსაზრებას, რომ უმადურება უდრის დეპრესიას. ამ დროს არ აქვს მნიშვნელობა, ბევრი გაქვს თუ ცოტა, ხახვის და პურის უმადური ხარ თუ სასახლეები გაქვს და ამის. ზოგადად, უმადურობა იწვევს დეპრესიას. აღმოჩნდა, რომ თავის ტვინში არის ოპიატური რეცეპტორები, სიამოვნების ჰორმონი, რომელიც თურმე გამომუშავდება მაშინ, როდესაც ხარ მადლიერი. როდესაც არ ხარ მადლიერი, ეს სიამოვნება დაკარგული გაქვს და მას ეძებ.  თუ ხარ მადლიერი იმის, რაც გაქვს, გაქვს სიმშვიდეც. სიმშვიდეც მადლიერებას მოაქვს და ანტიდეპრესანტიც ეგაა. ჩვენ კულტურალურად ძალიან დამძიმებულები და უმადურები ვართ. დაახლოებით 20 წლის წინ ამერიკელებთან ერთად ტრენინგზე ვისხედით და იქ იყო ასეთი სიტუაიცა. ყველა იწყებდა საუბარს ასე, გამარჯობა, მინდა მადლობა გადავუხადო ბებიას, რომელმაც ფუნთუშები დამიმზადა. მეორემ მადლობა მეზობელს გადაუხადა, რომელმაც გაუღიმა. მესამემ მადლობა გადაუხადა მზეს მზეს და მივხვდი, რომ აქ ხდება პოზიტივში საკუთარი თავის ამოქოქვა. ანუ დღეს ვიწყებთ პოზიტიურად იმით, რომ მადლობას ვუხდით ვინმეს და ეს თურმე ჩვენთვისვე არის კარგი. მადლობელი რომ ხარ უკვე ეს ჩემთვისაა კარგი და არა მისთვის, მისაც ... ...

არქივი

კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...
ზაფრანი

ყავა სიკვდილის რისკს ამცირებს

ცოტა ხნის წინ ესპანეთის ქალაქ...

ჩაის რეცეპტი, რომელიც სიგარეტის მოწევის სურვილს აქრობს

თუ სიგარეტისთვის თავის დანებება გინდათ,...

რომელი პროდუქტი არ უნდა შეინახოთ საყინულეში

მაცივრის საყინულეში ბევრ საკვებ პროდუქტებს...

როგორ ამოვიცნოთ გენმოდიფიცირებული პროდუქტი

საზიანოა თუ არა გენმოდიფიცერებული საკვები...

მარტივი მეთოდები ჯანმრთელობის შესამოწმებლად

თვალები _ მოშორდით მონიტორს 4-5 ნაბიჯით,...

ხილი, რომელსაც უნდა ვერიდოთ

სამწუხაროდ, ყველა ხილი ჩვენი ფიგურისთვის...